【長路漫漫是如何走過~~】

【長路漫漫是如何走過~~】

今年是黑仔姜皓文同老婆金慧英結婚16週年，
很榮幸能為你們安排這次別具意義的馬爾代夫之旅。
再次祝你們同行偕老，永結同心！
姜皓文夫婦簡單而動人的愛情故事，藉此分享。

原文網址: http://hk.apple.nextmedia.com/enews/realtime/20150901/54156132

【結婚16周年】黑仔帶老婆去馬爾代夫 補影selfie婚紗相

黑仔姜皓文同老婆金慧英結婚16年，以前結婚冇度蜜月冇影婚紗相，依家終於可以一鑊過補番晒數。

佢哋啱啱去咗馬爾代夫補影婚紗相，其實此行仲有幾重意義，補番度蜜月、預祝下個月生日、結婚周年紀念，仲有還金慧英一個心願。黑仔接受電話訪問講到今次行程：「每年都搞生日，10月24到26號，呢3日係我生日同我太太嘅生日，亦係結婚周年連埋一齊，通常呢三日都會去旅行，今年10月我要去北京同喺香港開工，冇期，所以提早去馬爾代夫旅行，今次所有野都係太太安排。」

通常出埠影婚紗相，都帶成村人去幫手，不過今次就只係得佢哋兩公婆啫!所有相都係selfie㗎！黑仔笑笑口話：「當年結婚冇真正度蜜月，10幾年之後至補度番，我哋想影婚紗相，但唔想太隆重，所以自己帶咗幾套衫，我一套白色禮服，太太幾套婚紗，自己帶腳架，搖控自拍，帶咗兩箱行李，我哋鍾意浮潛，帶咗潛水器材，救生衣。」

黑仔話要趁住陸沉前要去一次，太太對呢個地方有情意結：「佢10幾年前去過拍廣告，一路都話好想再去多次，咁我又想去，咪陪佢去多次囉，一路都話去，不過年幾都請唔到工人，去唔到，依家終於請到，安定晒所有嘢就行得喇!」講講吓，佢失驚冇神話好掛住屋企啲貓狗，去旅行嗰幾日，誇張到set定每日早晚兩段時間同姐姐chit chat，同心愛嘅貓狗視像同埋睇吓工人姐姐湊得佢哋好唔好。

黑仔仲借今次機會同老婆講愛的宣言：「結咗婚咁多年，兩公婆，大家都好包容，難得16年，計埋未結婚嗰啲日子，相處咗20幾年，好難得，希望一直好落去。」咁老婆又有乜說話講？金慧英只係簡單兩句就表達晒咁多年嚟心聲：「夫婦之間，咪包容、包容，再包容，同忍、忍、忍囉！」 

黑仔同太太早前去咗馬爾代夫嘆世界

其實係去補影婚紗相

一望無際！

黑仔同太太結咗婚16年喇！

好「性感」。

姜太都要晒吓身材！